"ПСЖ" бош мураббийи Луис Энрике ҳужумчи Килиан Мбаппенинг келажаги ҳақидаги саволга жавоб берар экан, жамоанинг барча футболчиларидан фойдаланишга ҳаракат қилаётганини айтди.
“Луиш Кампуш билан ҳар куни жамоанинг бугуни ва келажаги ҳақида гаплашамиз. Мураббий сифатида қўлимдаги барча футболчилардан фойдаланишга ҳаракат қиламан. Мен ҳар доим жамоа фойда кўришини истайман”, - деди Энрике журналистларга.
Аввалроқ, 25 ёшли Мбаппе келаси ёзда эркин агент сифатида "Реал"га ўтишга рози бўлгани хабар қилинганди.
2023/24 йилги мавсумда Килиан “ПСЖ” сафида 32 та ўйин ўтказиб, 32 та гол ва 7 та голли узатмани амалга оширган.
