Словениялик дарвозабон Ян Облак таслим бўлмоқда - ҳеч бўлмаганда рақамлар шуни айтади.
Испания кубогининг иккинчи ярим финалида "Атлетик"га қарши ўйинда у учта гол ўтказиб юборди. Энди эса унинг жорий мавсум ўтказиб юборилган голлари бўйича ўртача кўрсаткичи ҳар бир ўйинда 1,2 голга етди.
Бу Облакнинг ҳозирги клуби билан узоқ тарихидаги энг ёмон кўрсаткичидир.
Эслатиб ўтамиз, Словения терма жамоасининг асосий дарвозабони Мадрид клубида 2014 йилдан буён ўйнаб келмоқда, унгача у "Олимпия Любляна", шунингдек, Португалиянинг бир қатор клублари, асосан, "Бенфика Лиссабон" ва "Рио Аве" шарафини ҳимоя қилган.
