Sloveniyalik darvozabon Yan Oblak taslim bo‘lmoqda - hech bo‘lmaganda raqamlar shuni aytadi.

Ispaniya kubogining ikkinchi yarim finalida "Atletik"ga qarshi o‘yinda u uchta gol o‘tkazib yubordi. Endi esa uning joriy mavsum o‘tkazib yuborilgan gollari bo‘yicha o‘rtacha ko‘rsatkichi har bir o‘yinda 1,2 golga yetdi.

Bu Oblakning hozirgi klubi bilan uzoq tarixidagi eng yomon ko‘rsatkichidir.

Eslatib o‘tamiz, Sloveniya terma jamoasining asosiy darvozaboni Madrid klubida 2014 yildan buyon o‘ynab kelmoqda, ungacha u "Olimpiya Lyublyana", shuningdek, Portugaliyaning bir qator klublari, asosan, "Benfika Lissabon" va "Rio Ave" sharafini himoya qilgan.