Каталониянинг "Барселона" клуби қишки трансферлар вақтида ҳимоячи Рональд Араухони сотиш бўйича иккита таклифни рад этгани маълум бўлди. Бу ҳақда Mundo Deportivo нашри хабар бермоқда.
"Бавария" уругвайлик футболчига даъвогарлик қилган. Немислар аввалига Араухо учун 70 миллион ва бонуслар, кейин эса 80 миллион таклиф қилишганди. Бироқ, каталонияликлар немис топ-клубига келишув имконсизлигини аниқ кўрсатгани маълум бўлди.
Каталонияда Рональд жамоанинг асосий футболчиларидан бири саналади. Жорий мавсумда Араухо "Барселона" сафида 28 та ўйинда қатнашиб, гол урди ва 6 та сариқ карточка олди.
