"Лацио" бош мураббийи Маурицио Сарри истеъфога чиқарилиши мумкин. Бу ҳақда инсайдер Руди Галетти ижтимоий тармоқлар орқали хабар берди.
Манбанинг таъкидлашича, "бургутлар" раҳбарияти бўлажак мутахассис борасида ҳали якуний қарорга келмаган. Қониқарсиз натижалар туфайли клуб жорий мавсум охирида Маурицио билан хайрлашиши мумкин.
"Лацио" аллақачон унинг ўрнига ўринбосар қидирмоқда. Сарри 2021 йилнинг ёзидан буён Рим жамоасини бошқариб келмоқда. Италия чемпионатининг 26-тури якунларига кўра, римликлар 40 очко жамғариб, турнир жадвалида саккизинчи ўринни эгаллаб турибди.
