Жаҳон шахмат федерацияси февраль ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 4 нафар ўзбекистонлик гроссмейстер ўрин эгаллади.
Рейтингда Нодирбек Абдусатторов 11-ўринда қайд этилди. У аввалги рейтингда 15-ўринда қайд этилган эди. Нодирбекдан ташқари Жавоҳир Синдоров (36-ўрин), Рустам Қосимжонов (48-ўрин) ҳамда Нодирбек Якуббоев (75-ўрин) топ-100 таликдан ўрин олган.
Эътиборлиси Нодирбек Ёшлар ўртасидаги расмий рейтингда биринчи ўринда қайд этилган. Яна бир ҳамюртимиз Жавоҳир Синдоров бешинчи ўринни эгаллаб турибди.
Эслатиб ўтамиз, Нодирбек Абдусатторов Чехияда ўтказилаётган Prague Chess Festival 2024 турнирида муваффақиятли иштирок этмоқда.
Ҳозирда уч ўйин ҳисобида 2.5 очко тўплаб, биринчи ўринда бораётган Нодирбек Абдусатторов онлайн рейтингда дунёда 8-ўринга кўтарилиб олди.
