"Манчестер Сити" бош мураббийи Пеп Гвардиола матбуот анжуманида мураббийлар нима учун "Манчестер Юнайтед"ни чемпионликка етаклай олмаяпти, деган саволга жавоб берди.
"Катта клубларда ғалаба қозониш керак. Сэр Алекс Фергюсон қўл остида ажойиб даврни ўтказган "МЮ" учун бу осон эмас. Босим билан курашиш қийин ва мен буни тушуна оламан. Илгари катта клублар ўз мураббийларига нисбатан кўпроқ сабр кўрсатган бўлса, бугун босим жуда юқори. Лекин "Манчестер Юнайтед" чемпионлик камлигини аниқ сабабларни айта олмайман , чунки мен у ерда эмасман" - деди Гвардиола журналистларга.
"Манчестер Юнайтед" охирги марта 2013 йилда АПЛ чемпионлигини қўлга киритганди. Бу Алекс Фергюсоннинг жамоа бошқарувидаги сўнгги мавсуми эди.
3 март, якшанба куни "Манчестер Сити" АПЛнинг 27-тури доирасида "Манчестер Юнайтед"ни қабул қилади.
