“Бавария” марказий ҳимоячиси Эрик Дайер келаси мавсумда жамоада ўйнашда давом этади.
Англиялик футболчи "Тоттенхэм"дан ижарага олинган, агар маълум шартлар бажарилса, сотиб олиш имконияти мавжуд. Бу шартлар бажарилгани боис футболчи Мюнхенда қолиши аввалроқ маълум қилинганди. Ҳозир бу маълумотни DAZN нашрига берган интервьюсида гапирган "Бавария" бошқарув кенгаши аъзоси Макс Эберль тасдиқлади. 30 ёшли марказий ҳимоячи билан шартнома автоматик равишда кейинги йилнинг ўрталарига қадар узайтирилди.
Айни дамда Эрик Дайер мюнхенликлар сафидаги еттинчи ўйинини ўтказмоқда - у Бундеслига доирасида "Фрайбург"га қарши ўйинда асосий таркибда майдонга тушди.
