“Bavariya” markaziy himoyachisi Erik Dayer kelasi mavsumda jamoada o‘ynashda davom etadi.

Angliyalik futbolchi "Tottenxem"dan ijaraga olingan, agar ma’lum shartlar bajarilsa, sotib olish imkoniyati mavjud. Bu shartlar bajarilgani bois futbolchi Myunxenda qolishi avvalroq ma’lum qilingandi. Hozir bu ma’lumotni DAZN nashriga bergan intervyusida gapirgan "Bavariya" boshqaruv kengashi a’zosi Maks Eberl tasdiqladi. 30 yoshli markaziy himoyachi bilan shartnoma avtomatik ravishda keyingi yilning o‘rtalariga qadar uzaytirildi.

Ayni damda Erik Dayer myunxenliklar safidagi yettinchi o‘yinini o‘tkazmoqda - u Bundesliga doirasida "Frayburg"ga qarshi o‘yinda asosiy tarkibda maydonga tushdi.