"Барселона" ярим ҳимоячиси Гави хориж гигантларининг радарида.
Ўтган йилнинг ноябрь ойида 19 ёшли футболчи ўзининг хоч боғламини шикастлаб олганди, шу сабабли у бу мавсумда бошқа ўйнай олмайди, аммо бу унга бўлган қизиқишни камайтиргани йўқ. Журналист Экрем Конурнинг хабар беришича, Гави билан боғлиқ вазиятни "Манчестер Юнайтед", "Манчестер Сити", "Бавария" ва "ПСЖ" кузатмоқда. "Барселона" ўсиб бораётган юлдуз билан хайрлашишни истамаяпти, аммо харидорлар 100 миллион евродан кўпроқ пул таклиф қилсалар, буни кўриб чиқиши мумкин.
Transfermarkt экспертларининг фикрича, Гавининг нархи 90 миллион евро. Ярим ҳимоячининг амалдаги шартномаси 2026 йилгача мўлжалланган.
