"Челси" бош мураббийи Маурисио Почеттино жамоадаги кадрлар муаммоси ҳақидаги саволга жавоб берди.
“Кўклар” шанба куни АПЛ доирасида “Брентфорд” меҳмони бўлади.
“Биз Тьяго Силва ва Кукурельянинг ҳолатини баҳолашимиз керак. Агар улар ўйнаса, биз учун жуда яхши бўлади.
Афсуски, Фофанани бу мавсумда бошқа майдонда кўрмаймиз, деб ўйлайман, гарчи бу тўлиқ ишонч билан айтишга арзимаса ҳам. Нкунку? У муаммоларга дуч келди, бир неча ҳафтадан кейин унинг қайтишини кўрамиз. Унинг Англияга кўчиб ўтганидан бери жуда кўп муаммоларга дуч келгани жуда ачинарли", деди "Челси" бош мураббийи матбуот анжуманида.
