Бугун Аббосбек Файзуллаев ўйнаётган ЦСКА ўз мухлисларини хафа қилди. РПЛ доирасидаги "Оренбург"га қарши кечган ўйин сўнггида Владимир Фёдотов шогирдлари ҳисобни очишди, аммо ғалабани сақлаб қола олмади – 1:1.
Opta портали маълумотларига кўра, ЦСКА йўқотилган очколар сони бўйича РПЛнинг жорий мавсумидаги энг ёмон жамоаси бўлиб турибди. "Ҳарбийлар" ҳисобда олдинда бораётган ўйинларда якунда ғалабани қўлдан чиқариб, 16 очко йўқотди.
ЦСКА Россия чемпионатининг навбатдаги ўйинини 8 март, жума куни ўтказади. Шу куни Владимир Фёдотов шогирдлари сафарда "Крилья Советов" жамоасига қарши баҳс олиб боради. Айни пайтда ЦСКА Премьер-лига турнир жадвалида еттинчи ўринда бормоқда.
