Суперлига 1-туридан ўрин олган "Сўғдиёна" – "Нефтчи" (1:2) учрашувидан сўнг меҳмонлар бош мураббийи Виталий Левченко ўз фикрларини билдириб ўтди.
"Аввало, барчани янги мавсум старти билан табриклайман. Бугун ҳаво анча совуқ бўлсада, стадионга келган мухлислар кўплиги мени ажаблантирди. Ўйин ҳақида тўхталадиган бўлсам, жамоалар ҳали оптимал футбол кўрсатадиган шароитда эмас. Ҳали баҳорий футбол бу. Бундай футболда асосан майдонда жисмоний кураш кечади.
Майдонга 3 очкони қўлга киритиш мақсадида тушгандик ва бунга эришдик. Асосийси ғалаба, ишланадиган жиҳатлар эса анча", - деди Левченко.
