Суперлига 1-туридан ўрин олган "Бунёдкор" – "Қизилқум" (1:3) учрашувидан сўнг меҳмонлар бош мураббийи Жамшид Саидов матбуот анжуманида иштирок этди.
"Ўртоқлик учрашувлари ва Суперлигадаги ўйиннинг фарқи катта. Захирадан ўйинга қўшилган ёшларда ҳаёжон сезилди ва шу сабабли биринчи таймдаги сингари ҳаракат қила олмаган бўлишимиз мумкин. Натижада иккинчи бўлимда ҳимояландик ва тўп ўтказиб юбордик.
Бунёдкор таркиби 80 фоизга ўзгарган. Бугун уларнинг легионерларининг ҳаракатлари унча ўхшамади. Афсуски, бугун ҳужумчиларсиз ўйнадик. Ғиёсов жароҳатини даволатиш билан банд. Уни тез орада майдонда кўрамиз", - деди Саидов.
