"Валенсия" бош мураббийи Рубен Бараха "Реал"нинг 99-дақиқада урган голини ҳисобга олмаслик қарорини баҳолади.

"Валенсия" Ла Лига доирасида Мадрид клуби билан дуранг ўйнади (2:2).

"Мен ҳамма нарсани аниқ кўрдим. Тўп бурчакка чиқиб кетганида, ҳакам бу охирги эпизод бўлишини айтди. Биз тўпни жарима майдончаси ташқарисига чиқариб юборганимизда, мен ҳакамнинг финал ҳуштагини чалаётганини кўрдим. У ўйин тугаган деб ҳисоблади.

У ҳам биринчи бўлимга беш дақиқа қўшиб берди ва улар гол уришди. Ўшанда бизда қўшиб берилган вақтда гол уриш учун имконият бўлди, лекин у ҳуштак чалди", - деди Рубен Бараха.