"Барcелона" ярим ҳимоячиси Педри Хави Эрнандеснинг иши ҳақида ўз фикрини айтди.

"Кўк-анорранглилар" бош мураббийи мавсум якунлангач, ўз лавозимини тарк этмоқчи.

Педри ўз мураббийи бошчилигидаги жамоанинг муваффақиятини юқори баҳолади. “Хави мураббий сифатида ҳам, “Барселона”нинг афсонавий футболчиси сифатида ҳам намуна.

У мураббий сифатидаги икки йил давомида жуда кўп ўзгарди ва унинг қўл остида биз Ла Лигада ғолиб чиқдик.

У менга катта ёрдам берди, чунки у ҳам ярим ҳимоячи эди – ҳужумни қандай ташкил қилиш борасида ундан кўп маслаҳат олдим.

Хави билан ишлаш менга катта фойда келтирди", - дея Педрининг сўзларидан иқтибос келтиради испан ОАВ.