Тошкентнинг «Пахтакор» жамоаси яримҳимоячиси Шерзод Каримовнинг эндиликда фаолиятини Хитой клуби сафида ижара асосида давом эттиради. Бу ҳақда клуб расмий сайти хабар тарқатди.

Манбанинг маълум қилишича, футболчи Хитой суперлигаси қатнашчиси «Циндао Жонун» футболчини бир мавсумга ижарага олиш учун шартнома таклиф қилган. Натижада Шерзод фаолиятини Хитойда давом эттирадиган бўлди.

«Биз ҳамиша ёшларга ишонч бериб, уларни асосий таркиб футболчиларига айлантириб борамиз. Уларга хориж клубларидан таклифлар тушса, ўша таклиф футболчи ва клуб учун фойдали бўлган тақдирда уларнинг ўша жамоаларга кўчиб ўтишига тўсқинлик қилмаймиз. Бу сафар ҳам шундай бўлди. Шерзод «Пахтакор» сафида кўплаб учрашувларда ўзини кўрсатди. Унга «Циндао» клубидан таклиф тушганда унинг бу борадаги фикрини тингладик. Ва унинг Хитойда бир мавсум ижара асосида тўп тепишига клублар келишиб олди. Биз жамоа номидан Шерзодга Хитойдаги фаолиятида омад тилаймиз», дея «Пахтакор» спорт директори Григорий Цейтлиннинг сўзларидан иқтибос келтирмоқда клуб расмий сайти.

Қайд этиб ўтиш жоиз, Каримов фаолияти давомида «Шайхонтоҳур» ва «Қизилқум» жамоаларида фаолият олиб борган, кейинчалик «Пахтакор» таркибига келиб қўшилганди. Каримов жамоадаги дебют учрашувида гол  ура олганди. Ўтган мавсумда олий лига баҳсларида 5 тўп киритиб, жамоамизнинг олтин медалларни қўлга киритишига катта ҳисса қўшди. Умуман олган Шерзод Каримов ҳозиргача олий лига беллашувларида 94 ўйинда майдонга тушиб, 13 гол муаллифи бўлганди.