"Тоттенхэм" бош мураббийи Анже Постекоглу жамоасининг "Кристал Пэлас" устидан қозонилган иродали ғалабаси (3:1) ҳақида фикр билдирди.
Меҳмонлар 59-дақиқада “шпорлар” дарвозасини ишғол қилиб, ўйинда ҳисобни очишди, бунга Постекоглу шогирдлари якунда учта гол билан жавоб қайтаришди.
Учрашувнинг 77, 80 ва 88-дақиқаларида Тимо Вернер, Кристиан Ромеро ва Сон Хён Мин гол уришди.
“Қатъият, сифат ва ишонч бизга ёрдам берди. Рақиб шу қадар чуқур ҳимояланганида бизга гол уриш жуда қийин эди.
Бизга гол керак эди, аммо гол ура олмаганимизда концентрацияни йўқотмадик. Ўтказиб юборилган голга муносабат шунчаки ажойиб бўлди. Бугун биз анча қулайроқ ғалаба қозонишимиз керак эди, лекин биз бу жараёнга ишондик ва таслим бўлмадик. Ақл бовар қилмас менталитет”, - дея Постекоглунинг сўзларини келтиради BBC.
