"Tottenxem" bosh murabbiyi Anje Postekoglu jamoasining "Kristal Pelas" ustidan qozonilgan irodali g‘alabasi (3:1) haqida fikr bildirdi.

Mehmonlar 59-daqiqada “shporlar” darvozasini ishg‘ol qilib, o‘yinda hisobni ochishdi, bunga Postekoglu shogirdlari yakunda uchta gol bilan javob qaytarishdi.

Uchrashuvning 77, 80 va 88-daqiqalarida Timo Verner, Kristian Romero va Son Xyon Min gol urishdi.

“Qat’iyat, sifat va ishonch bizga yordam berdi. Raqib shu qadar chuqur himoyalanganida bizga gol urish juda qiyin edi.

Bizga gol kerak edi, ammo gol ura olmaganimizda konsentrasiyani yo‘qotmadik. O‘tkazib yuborilgan golga munosabat shunchaki ajoyib bo‘ldi. Bugun biz ancha qulayroq g‘alaba qozonishimiz kerak edi, lekin biz bu jarayonga ishondik va taslim bo‘lmadik. Aql bovar qilmas mentalitet”, - deya Postekogluning so‘zlarini keltiradi BBC.