Мадриднинг “Реал” клуби ҳимоячиси Аурелиен Тчуамени Испания чемпионатининг 27-тури доирасида “Валенсия”га қарши кечаги ўйин ҳақида гапирди.
Учрашув “Месталья”да бўлиб ўтди ва 2:2 ҳисобида дуранг билан якунланди.
"Бу шармандалик", деди француз футболчиси ижтимоий тармоқдаги постида.
Эслатиб ўтамиз, ўйиннинг сўнгги сониялари ўтиб бораётган бир пайтда Беллингем гол уриб, жамоасига ғалаба келтириши мумкин эди, бироқ у зарба берган пайтда бош ҳакам учрашув якунлангани борасида ҳуштагини чалиб бўлганди.
