Ўзбекистон терма жамоаси қандай ҳолатда Қитъалараро плей-офф турнирида иштирок этиши мумкин?

Масалан, Ўзбекистон терма жамоаси ЖЧ-2026 саралашининг 3-босқичида қуйидаги гуруҳдан ўрин олди дейлик:

1. Япония
2. Австралия
3. Ўзбекистон
4. Иордания
5. Сурия
6. Таиланд

Терма жамоамиз юқоридаги гуруҳда 3 ёки 4-ўринни қўлга киритган тақдирда, саралашнинг 4-босқичига йўл олади ва қуйидаги гуруҳдан жой олиши мумкин:

1. Ироқ
2. Ўзбекистон
3. Оман

Худо кўрсатмасин, ушбу гуруҳда 2-ўринни эгаллаган тақдирда, вакилларимиз нариги гуруҳдаги 2-ўрин соҳибига қарши Қитъалараро плей-офф турнири йўлланмаси учун майдонга тушади:

Ўзбекистон vs БАА

Иккала ўйин натижасига кўра плей-офф турнирига йўл оладиган бўлсак, ФИФА рейтингидан келиб чиқиб, эҳтимолий турнир сеткаси қуйидагича кўринишда бўлиши мумкин:

Ўзбекистон vs Соломон ороллари
Коста-Рика vs -
Парагвай vs Тринидад ва Тобаго
Мали vs -

Финаллар:
Ўзбекистон vs Коста-Рика
Парагвай vs Мали

Албатта, биз учун энг яхшиси - ишни плей-офф турнирига қолдирмасдан, ҳаммасини Осиё саралаш гуруҳларининг ўзида ҳал қилган яхши.