Италия чемпионатининг йигирма еттинчи турида амалдаги чемпион “Наполи” “Ювентус”ни 2:1 ҳисобида мағлуб этди. "Наполи" бош мураббийи Франческо Кальцонанинг айтишича, ғалаба барчага олдинги муваффақиятсизликларга қарамай, чемпион клуб қайтганидан далолат беради.
"Ғалаба қозониш орқали биз барчага аниқ сигнал бердик. Йигитлар шундай ўйнашади, чунки улар бирга ўйнашни хоҳлашади. Албатта, олдинда ҳали кўп ишлар бор. Осимхен ва Кварацхелия бизнинг асосий ўйинчиларимиз. Энди улар яна ўз даражасида ўйнашмоқда", - дея "Наполи" устози сўзларини келтиради calcionapoli.it.
