Каталониянинг “Барселона” клуби ҳужумчиси Ферран Торрес ҳозирда тикланиш жараёнининг сўнгги босқичида турибди.
Эслатиб ўтамиз, испаниялик футболчи жароҳати сабаб "кўк-анорранглилар"нинг сўнгги бир неча учрашувини ўтказиб юборганди. Журналист Рожер Тореллонинг айтишича, ҳужумчи тез орада сафга қайтиши керак.
Торрес Испания чемпионати доирасида жума куни бўлиб ўтадиган "Мальорка"га қарши жамоасининг навбатдаги ўйинида иштирок эта оладими ёки йўқми ҳозирча маълум эмас.
Ферран Ла Лиганинг жорий мавсумида 7 та гол уриб, 2 та голли узатмани амалга ошириб, чемпионатда гол уриш бўйича индивидуал рекорд ўрнатди.
