"Манчестер Юнайтед" бош мураббийи Эрик тен Хаг "Манчестер Сити"дан учралган мағлубиятдан сўнг (1:3) дерби жамоалар ўртасидаги классдаги фарқни кўрсатдими, деган саволга жавоб берди.
"Йўқ, мен бундай деб ўйламайман, мутлақо йўқ. Бизда жароҳатлар туфайли жуда кўп муаммолар бор, аммо шунга қарамай бизда очко олиш имкони бўлди. “Манчестер Сити” билан орамиздаги фарқ кичик. Биз иккинчи голни уришимиз мумкин эди...
Рақобатбардош бўла оламиз ва буни Англия кубоги финалида "Манчестер Сити"га қарши ўйинда кўрсатдик. Айни пайтда улар биздан олдинда, лекин унутмангки, улар дунёнинг энг яхши жамоаси”, - деди Тен Хаг.
"Манчестер Юнайтед" айни дамда Англия чемпионати турнир жадвалида олтинчи ўринни эгаллаб турибди.
