"Manchester Yunayted" bosh murabbiyi Erik ten Xag "Manchester Siti"dan uchralgan mag‘lubiyatdan so‘ng (1:3) derbi jamoalar o‘rtasidagi klassdagi farqni ko‘rsatdimi, degan savolga javob berdi.
"Yo‘q, men bunday deb o‘ylamayman, mutlaqo yo‘q. Bizda jarohatlar tufayli juda ko‘p muammolar bor, ammo shunga qaramay bizda ochko olish imkoni bo‘ldi. “Manchester Siti” bilan oramizdagi farq kichik. Biz ikkinchi golni urishimiz mumkin edi...
Raqobatbardosh bo‘la olamiz va buni Angliya kubogi finalida "Manchester Siti"ga qarshi o‘yinda ko‘rsatdik. Ayni paytda ular bizdan oldinda, lekin unutmangki, ular dunyoning eng yaxshi jamoasi”, - dedi Ten Xag.
"Manchester Yunayted" ayni damda Angliya chempionati turnir jadvalida oltinchi o‘rinni egallab turibdi.
