"Милан" вингери Рафаэль Леау ўзининг келажаги ҳақида гапирди ва "россонерилар" билан совринларни қўлга киритиш исташини ҳам айтди.
"Менинг келажагим "Милан" билан боғлиқ. Ҳали тўрт йиллик шартномам бор. Мен жуда қийин вазиятга тушиб қолганимда “Милан” менга ёрдам берди, улар мени қўллаб-қувватлашди. Мен унутмайман, мен содиқман. Мен бу ерга болалигимда келганман, бу ерда шахс ва футболчи сифатида улғайганман. Яна ғалаба қозонишни истайман.
Ўсиш учун Чемпионлар лигаси ёки Европа лигаси каби муҳим совринларни қўлга киритишим керак. "Милан"да бўлганингда буни қилишинг керак, бу танлов эмас, бу мажбурият, тарихда ўз номингни қолдириш. Европа лигаси? У ерда кучли жамоалар кўп, бироқ бизда аниқ фикр бор: финалга чиқиш ва ғалаба қозониш”, - деди Леау.
