“Интер” А серияда “Ювентус”дан 15 очко олдинда.
А Сериянинг 27-турида бош мураббий Симоне Индзаги шогирдлари ўз майдонида “Женоа”ни мағлуб этди (2:1). Бир кун аввал “Ювентус” сафарда “Наполи”га имкониятни бой берди (1:2).
Шу тариқа, “Интер” 72 очко жамғариб, Италия чемпионати жадвалида пешқадамлигини мустаҳкамлаб олди.
Турин клуби ҳисобида 57 очко бор. “Милан” “Юве”дан 1 очко ортда қолмоқда. “Болонья” 51 очко билан кучли тўртликни якунлаб турибди.
Кейинги ўринларда “Рома” (47 очко), “Аталанта” (46) ва “Наполи” (43) бормоқда.
