"Манчестер Сити" ярим ҳимоячиси Фил Фоден уни жаҳон даражасидаги футболчи деб атаган клуб бош мураббийи Пеп Гвардиоланинг сўзларига изоҳ берди.

"Мен ҳали жаҳон даражасидаги футболчи эмасман. Ўйлайманки, менда шундай бўлиш имконияти бор, лекин буни мураббийдан эшитиш мен учун алоҳида. Мен ҳали ҳам ривожланишда давом этмоқчиман ва бундан ҳам яхшироқ футболчи бўлишга ҳаракат қиламан. Мен буни ҳар доим энг муҳим учрашувларда қилишим керак.

Агар сиз буни бир неча йил давомида қилсангиз, унда сиз жаҳон даражасидаги ўйинчи мақомини оласиз. Мавсумдан завқланяпман, ҳозир яхши формадаман, шунинг учун ҳам шундай сақламоқчиман. Бу менинг энг яхши мавсумим бўлиши мумкин", - деди Фоден Goal.com портали билан суҳбатда.

Жорий мавсумда АПЛнинг 27-туридан сўнг "Манчестер Сити" 62 очко билан турнир жадвалида иккинчи ўринда бормоқда. "Манчестер Юнайтед" олтинчи ўринда (44 очко).