Лондоннинг “Арсенал” клуби вингери Габриэль Мартинелли “Шеффилд Юнайтед”га қарши ўйинни якунлай олмади.
Бразилиялик футболчининг жароҳати “канонирлар” учун ажойиб оқшомни барбод қилди – футболчи майдонни тарк этгунга қадар жамоа рақиб дарвозасига жавобсиз олтита гол уриб улгурганди. Мартинеллининг ўзи гол ва голли узатмани 64-дақиқада алмаштиришга мажбур бўлди. 22 ёшли футболчи оғриқдан оқсоқланиб, майдонни тарк этди.
9 март куни "Арсенал" ўз уйида "Брентфорд"га қарши АПЛ ўйинини ўтказади, уч кундан кейин эса Чемпионлар лигаси 1/8 финали жавоб учрашувида "Порту"ни қабул қилади.
