"Арсенал" бош мураббийи Микель Артета Англия чемпионатининг 27-туридан ўрин олган "Шеффилд Юнайтед"га (6:0) қарши ўйинда алмаштирилган "канонирлар" вингерлари Габриэль Мартинелли ва Букайо Саканинг ҳолати ҳақидаги саволга жавоб берди.
"Сакининг алмаштирилиши тактик эмас эди, у ўзини яхши ҳис қилмаяпти. Қўшимчасига бизда Фабио Виейра бор, унга ўйин амалиёти керак.
Буни таъминлаш учун ажойиб имконият бўлди (Виейра ўйин танаффусида Саканинг ўрнига майдонга тушди).
Кейин Габи Мартинелли билан бироз муаммога дуч келдик. Унинг оёғида кичик жароҳат бор эди. Биз кутишимиз ва бундан сўнг нима бўлишини кўришимиз керак", - дея Артетанинг сўзларини келтиради Football London.
Эслатиб ўтамиз, Мартинелли "Шеффилд Юнайтед"га қарши ўйиннинг 66-дақиқасида жароҳати туфайли алмаштирилганди.
