Таниқли инсайдер Фабрицио Романо "Бавария" ҳужумчиси Харри Кейннинг келажаги ҳақида фикр билдирди. Аввалроқ, матбуотда Кейн тез орада Англия Премьер-лигасига қайтиши мумкинлиги ҳақида хабарлар тарқалган эди.
“Тўғрисини айтсам, ҳозирча менда бу борада аниқ хабар ёки маълумот йўқ. Кейн бор эътиборини “Бавария”га қаратган, олдинда Чемпионлар лигасининг муҳим ўйини бор. Албатта, Кейн жамоанинг кейинги мураббийи ким бўлишини билишга қизиқади, аммо ҳозирча айтадиган гап йўқ", - деди Романо.
Аввалроқ “Бавария” Томас Тухель 2023/2024 йилги мавсум якунида мураббийлик лавозимини тарк этишини эълон қилган эди.
