Пеп Гвардиола сўнгги йилларда Чемпионлар лигаси қандай ўзгаргани ҳақида гапирди.
"Чемпионлар лигаси тобора қийинлашиб бормоқда. "Барселона"га келганимда менда шундай туйғу бор эди: биз ярим финалга чиқамиз. Энди ярим финалга чиқиш жуда қийин. Жамоалар ва мураббийлар яхшиланмоқда. Мен футболчи бўлган пайтимга қараганда ҳозир ҳаммаси қийинроқ. Лекин энг яхши жамоалар доим олдинга чиқади.
- "Манчестер Сити" билан Чемпионлар лигасида ғалаба қозониш "Барселона"га қараганда каттароқ ютуқми?
- Йўқ, бундай демаган бўлардим - бу "Барселона" билан эришган ютуқларимизни камситади. Бу кубок аввалгиларидан яхшироқ деб айтмайман. Ҳар бир дақиқа ўзгача.
"Барселона" ва "Бавария"да ишлаганимда, ҳар бир қўлга киритилган унвон бошқалардан фарқ қилади деб ўйладим. Улар ўз-ўзидан пайдо бўлмайди. Ҳар бир қадам жуда қийин ва уни керакли вақтда қўйиш керак", - деди "Манчестер Сити" бош мураббийи.
