"Лацио" вингери Густав Исаксен жамоасининг "Бавария"га қарши баҳсда муваффақият қозониш имкониятлари ҳақида гапирди.
Римликлар ўз уйларида ўтказилган илк учрашувда минимал ҳисобда ғалаба қозонишди. Жавоб учрашуви бугун Тошкент вақти билан 01:00 да бўлиб ўтади.
"Бу ажойиб оқшом бўлади, биз тайёрмиз. Олдимизда қийин вазифа турибди, аммо имконсиз эмас. "Бавария" жуда қийин рақиб, улар ажойиб жамоа. Бугун биз бошқача "Бавария"ни – тажовузкор, ғалабага чанқоқ кўрамиз. Биз бирдам бўлишимиз керак. Биринчи ўйинда ҳаммаси яхши ўтди, аммо бугунги ўйин муҳимроқ" - деди Исаксен ўйин бошланишидан бир неча соат олдин Lazio Style Channel нашрига берган интервьюсида.
