Ламин Ямал соғлиғида муаммоларни бошдан кечиришда давом этмоқда.
Diario Sport хабарига кўра, "Барселона" қанот ҳужумчисини тиззаси ҳамон безовта қилмоқда. Клуб 16 ёшли футболчининг жароҳатини ўта эҳтиёткорлик билан даволамоқда.
У “Хетафе”га қарши ўйинда майдонга тушмади, “Атлетик”га қарши ўйинда эса фақат Педри жароҳат олгани учун захирадан майдонга тушди.
"Барселона" бош мураббийи Хави 12 март куни "Наполи"га қарши ўйинда Ямалдан фойдаланмоқчи. Агар кейинги машғулотларда олдинга силжиш кузатилса, вингер асосий таркибда майдонга тушади.
Ламиннинг 8 мартга белгиланган "Мальорка"га қарши ўйинда иштирок этиши сўроқ остида, бироқ истисно эмас.
Жорий мавсумда футболчи Ла Лигада 26 та ўйин ўтказиб, 3 та гол урган.