"Барселона" келаси ёзда Жоау Феликс ва Жоау Канселуни ўз сафида олиб қолишга ҳаракат қилади.
Иккала португалиялик ҳам жорий мавсум охиригача Каталония клубига ижарага берилган. Журналист Жерар Ромеронинг ёзишича, "Барселона" Канселуни "Манчестер Сити"дан сотиб олмоқчи, Феликс масаласида эса уни "Атлетико"дан қайта ижарага олишга ҳаракат қилинади. “Кўк-анорранглилар” раҳбарияти форвардни сотиб олишни режалаштирмаяпти ва шунинг учун “матрасчилар” янги ижара вариантини маъқулламаса, у жамоага қайтмайди.
Transfermarkt портали мутахассислари иккала футболчининг трансфер қийматини 40 миллион еврога баҳоламоқда.
