"Barselona" kelasi yozda Joau Feliks va Joau Kanseluni o‘z safida olib qolishga harakat qiladi.

Ikkala portugaliyalik ham joriy mavsum oxirigacha Kataloniya klubiga ijaraga berilgan. Jurnalist Jerar Romeroning yozishicha, "Barselona" Kanseluni "Manchester Siti"dan sotib olmoqchi, Feliks masalasida esa uni "Atletiko"dan qayta ijaraga olishga harakat qilinadi. “Ko‘k-anorranglilar” rahbariyati forvardni sotib olishni rejalashtirmayapti va shuning uchun “matraschilar” yangi ijara variantini ma’qullamasa, u jamoaga qaytmaydi.

Transfermarkt portali mutaxassislari ikkala futbolchining transfer qiymatini 40 million yevroga baholamoqda.