Лондоннинг «Тоттенҳэм» клуби, яримҳимоячи Гарет Бэйлни жамоа тарихидаги энг катта маош оладиган футболчига айлантиришга тайёр. Бу ҳақда «The London Evening Standard» нашри хабар тарқатди.
Эслатиб ўтамиз, Бэйлнинг клуб билан тузган шартномаси 2016 йилга қадар мўлжалланган.
Ҳозирда клуб Бэйлни кетиб қолмаслигини олдини олиш мақсадида унинг шартнома шартларида кўрсатилган тўловни оширишни режалаштирмоқда. «Тоттенҳэм» бу орқали футболчини ҳеч бўлмаса яна бир мавсум Лондонда ушлаб қолишни мақсад қилган. Агар бу иш амалга ошса Бэйл учун тўлов миқдори 75 минг фунтдан 130 минг фунтга ошиши мумкин бўлади.
Аммо футболчининг ўз Ла-лигада тўп суришни хоҳламоқда. Аммо бу вариант «Тоттенҳэм» дастлабки тўртликдан жой ола билмаса, музокараларга сабаб бўлиши мумкин. Ҳозирда «шпорлар» турнир жадвалида 3-ўринда бормоқда.
Қўшимча қилиб айтиш лозим, Бэйлга қизиқиш билдирган жамоалар орасида «Реал», «Барселона», «Ювентус» ва «ПСЖ» жамоалари бор.













