"Манчестер Сити" бош мураббийи Пеп Гвардиола Чемпионлар лигаси доирасида "Копенгаген" билан ўйин натижаларини сарҳисоб қилди.
Ҳар икки учрашувда ҳам 3:1 ҳисобида ғалаба қозонган “шаҳарликлар” турнирнинг чорак финалига йўл олишди.
"Рақиблар яхши жамоага эга, уларга қарши ўйнаш қийин бўлди, орқада тўрт-беш нафар футболчи бор эди. Биз ғалаба қозонишимизга ишонгандик. Биз бу турнирда "Реал Мадрид" ва "Бавария" билан рақобатлашамиз. Кейинги рақибимиз ким бўлишини билмаймиз, кутишимиз керак. Асосийси, биз кетма-кет еттинчи марта чорак финалга чиқдик", - дея испаниялик мутахассиснинг сўзларидан иқтибос келтиради BBC.
