“Насаф” – “Олмалиқ”  учрашувидан сўнг анъанавий матбуот анжумани бўлиб ўтди. Матбуот анжумани биринчи қисмида Игорь Шквирин қатнашди.

Игорь Шквирин:
— Мухлислар учрашувда 4та гол кўришди, учрашув жуда қизиқарли ўтди. Биз ғалабани сақлаб қололмадик.

— Учрашувга қандай баҳо берасиз, жамоангиз ҳисобда олдинда бораётиб, ғалабани сақлаб қололмади?
— Бу — мавсумдаги биринчи ўйин, кўпгина ёш ўйинчиларимиз ҳали жамоага тўлиқ қўшилиб кетишмади. Рақибимизга нисбатан анча тажрибасиз эканимиз кўриниб қолди. "Насаф" барибир ўз сўзини айтди.

— Янги ўйинчиларингизга қандай баҳо берасиз?
— Барча ўйинчилар қўлдан келганча ҳаракат қилишди, умид қиламанки, ҳали ўзларини янада кўрсатишади.

— Босниялик ўйинчини кўрикдан ўтказиб, жамоага қабул қилмадингиз...
— У бизни талабларга мос келмади.

— Бу йил, сизнингча, қайси жамоа чемпион бўлиши мумкин?
— Ҳар доимгидек юқори ўринлар учун курашадиган жамоалар чемпионликка давогарлик қилиши мумкин.