Англия терма жамоасининг собиқ ҳужумчиси Майкл Оуэн Леверкузеннинг "Байер" клубининг бош мураббийи Хаби Алонсонинг бўлажак клуби ҳақидаги фикрлари билан ўртоқлашди. Испаниялик мутахассис хизматларига "Бавария" ва "Ливерпуль" клублари қизиқиш билдирмоқда.
"Хаби учун, менимча, "Бавария" хавфсиз вариант бўларди. Жамоа албатта совринларни ютиш учун қайтади. Агар Мюнхенни танласа, Алонсонинг амбициялари янада ошади.
“Ливерпуль” – хавфлироқ танлов. Клоппдан кейин ишлаш қийин бўлади. Жамоа Алонсога ёққан услубда ўйнамаяпти. Унга футболчиларни қайта тиклаш осон бўлмайди. Агар у буни уддасидан чиқса, ўзини зўр мураббий эканлигини исботлай олади", - дея Майклнинг сўзларини келтиради Liverpool Echo.
Жорий мавсумда Алонсо бошчилигидаги "Байер" ишончли тарзда Бундеслига чемпионлиги сари ҳаракат қилмоқда.
