"Атлетико Мадрид" марказий ҳимоячиси билан шартномани автоматик равишда узайтирди. Гап аввалги шартномаси шу мавсум охирида якунига етадиган Стефан Савич ҳақида кетмоқда.

Журналист Фабрицио Романонинг хабарига кўра, тажрибали черногорияликнинг шартномасида автоматик равишда бир мавсумга узайтириш варианти бор эди. "Атлетико" футболчини эркин агент сифатида йўқотишни истамади, шунинг учун улар бир йилга узайтириш вариантидан фойдаланишга қарор қилишди.

Савич Мадрид клубида 2015 йилдан буён ўйнаб келмоқда. Ўшандан бери черногориялик жамоаси билан Испания чемпионати ва Европа лигасида ғалаба қозонишга муваффақ бўлди, шунингдек, Чемпионлар лигаси финалида ҳам ўйнади.