"Наполи" ярим ҳимоячиси Хвича Кварацхелия билан ишлаётган агент Мамука Жугели футболчининг келажаги ҳақида гапирди.
Агентнинг сўзларига кўра, Кварацхелия келаси ёзда клубини ўзгартириши мумкин.
"Биз клуб билан музокара олиб бормоқдамиз, кўрамиз нима бўлади. Агар бошқа клуб “Наполи” раҳбарияти рад эта олмайдиган таклиф билан чиқса, у кетади.
Биз қандай миқдор ҳақида гапираяпмиз? Аниқ гапира олмайман, булар Де Лаурентиснинг баҳоларига боғлиқ.
Мен Хвичанинг шартномасини ва ишини ҳимоя қиламан. Ҳаммаси май ойи охирида маълум бўлади", - дея Жугелидан иқтибос келтиради La Gazette dello Sport.
