"Милан" бош мураббийи Стефано Пиоли Европа лигаси 1/8 финали биринчи учрашувида "Славия" устидан қозонилган ғалаба (4:2) ҳақида фикр билдирди.
“1/8 финални ўзимизга керакли йўналишга йўналтирдик. Рақиб жавоб ўйинида нимадир таваккал қилиши керак бўлади. Аммо кейинги босқичга чиқиш учун ҳали курашишимиз керак. Биз кўпроқ ҳаракат қилишимиз мумкин эди, иккинчи бўлимда футболчилардан кўпроқ нарсани кутгандим. "Славия" яхши жамоа ва жавоб ўйинида ҳужум қилади", - дея Пиоли сўзларини келтиради УЕФА матбуот хизмати.
