Ёшлар лигасининг биринчи турида "Пахтакор" "Навбаҳор"дан 2:0 ҳисобида устун келди. Ўйин ёш пахтакорчилар устунлиги остида ўтди. Лекин дарвозани ишғол қилиш учун ҳар икки жамоада етарлича имкониятлар бўлди.

30-дақиқада Абдул Азиз Юсупов меҳмонлар посбонини бирга-бир ҳолатда доғда қолдирди. Иккинчи бўлимда меҳмонлар томонидан киритилган тўп ён ҳакамнинг ҳужумчини ўйиндан ташқари ҳолатда қолганини билдиргани сабабли ҳисобга олинмади. Ўйин якунланиши арафасида эса захирадан майдонга тушган Игорь Рогованов 25 метрлардан йўллаган аниқ ва ўта кучли зарбаси эвазига ҳисобни 2:0 кўринишига келтирди. Шу тариқа Нўъмон Ҳасанов шогирдлари мавсумни ғалаба билан бошлашди.

"Пахтакор" - "Навбаҳор" 2:0 (1:0)
Голлар: Юсупов 30, Рогованов 90+1.
"Пахтакор": Рибкин, Фомин, Холмуҳаммедов, Маматказин (Саидов, 46; Уваров 78), Убайдуллаев, Бабаян, Ўрунов (Олимов, 46), Махситалиев (Сотволдиев, 46), Машарипов (Абдулҳоқов, 83), Рекун (Рогованов, 60), Юсупов (Ғофуров, 90).
Огоҳлантириш: Бабаян, 33.