"Ливерпул"нинг собиқ ҳимоячиси, ҳозирда футбол эксперти Жейми Каррагер АПЛ чемпионлиги учун курашда мерсисайдликларнинг рақибларидан асосий устунлигини айтиб ўтди.
"Бешта алмаштириш қоидаси жорий қилинганидан бери ҳеч ким ундан Юрген Клоппдан яхшироқ фойдаланмаган. "Арсенал"ни таъкидлаганимизда, улар қандай қилиб лигада ғалаба қозонишлари ҳақида ўйлаймиз... улар энг яхши ҳимоявий жамоа. "Манчестер Сити", эҳтимол, энг яхши жамоа ва энг яхши индивидуал хусусиятларга эга. Аммо "Ливерпуль" лигада ғалаба қозониши мумкин.
Клопп ҳар доим бешта алмаштиришдан фойдаланади. Қизиғи шундаки, "Ливерпуль" захира ўйинчилари сони бўйича "Арсенал" ва "Сити"дан устунроқ. Бу захира ўриндиғининг кучлилигидан далолат беради, биринчи навбатда урилган голлар бўйича, уларнинг 38 фоизи 75 дақиқадан сўнг киритилган. Тасаввур қилинг, “Ливерпуль” сўнгги 15 дақиқада ўйиннинг биринчи бўлимидагидан кўпроқ гол урди.
Бу уларнинг захирадан майдонга тушишга тайёр футболчилари борлигини кўрсатади, уларда сифат бор ва бу Юрген Клоппга боғлиқ", - дея Каррагер сўзларини келтиради Sky Sports.
