Суперлига 2-туридан ўрин олган "Пахтакор" – "Насаф" (0:0) учрашувидан сўнг меҳмонлар бош мураббийи Рўзиқул Бердиев ўз фикрларини билдириб ўтди.

"Иккала жамоа ҳам таваккал қилишни истамади ва ҳимояланишга интилди. Бугунги баҳсда жамоамнинг ўйинидан кўнглим тўлмади. Ушбу ўйин учун ҳимоявий услуб танлаган эдик. Бугун кўплаб футболчиларда хатолар кузатилди. Дарвозабонда ҳам, қолганларда ҳам.

Жамоанинг ўйини барчага таъсир қилди деб ўйлайман. Шу жумладан легионерларга ҳам. Улар ўтган баҳсда ғалабага муносиб ҳисса қўшган эдилар. Балки, бугунги ҳимоявий тактика уларга салбий таъсир қилгандир.

Деярли бир таркиб билан ҳаракат қиляпмиз ва шу сабабли рақибга очиқ футбол таклиф қила олмасдик.

Пахтакор таркибида тажрибали футболчилар ва ёш ўйинчилар бор — уларни эсдан чиқариб бўлмайди. Айрим хатолар туфайли баъзи жабҳаларда устунликни мезбонларга топшириб қўйдик", - деди Бердиев.