Қатардаги U-23 Осиё кубогида потенциал рақибларимиздан бири - Ироқ март ФИФА кунлари Басра шаҳрида Того U-23 терма жамоасига қарши 2 та ўртоқлик ўйини ўтказади.

Саудиядаги U-23 Ғарбий Осиё футбол федерацияси чемпионатида эса Ироқ U-20 терма жамоаси билан иштирок этиши ҳақида маълумот берган эдик. Ироқ U-23 терма жамоаси менеджери Жаббар Ҳашимнинг хабар беришича, ФИФА кунларидан ташқарида ўтказиладиган Осиё кубогига ҳозирча 4 та легионернинг келишига клублари томонидан рухсат берилган:

- Али Алмусави ("Эштрела" U-23)
- Йосеф Имам ("Мальмё" U-19)
- Бланд Ҳассан ("Де Графсхап")
- Роман Дулаши ("Шальке 04" U-19)

Олдинроқ, Ўзбекистон терма жамоаси ва Москванинг "ЦСКА" клуби футболчиси Аббос Файзуллаевни U-23 Осиё кубогига қўйиб юбориш бўйича оғзаки келишув мавжудлиги тўғрисида маълумот берилган эди.