Qatardagi U-23 Osiyo kubogida potensial raqiblarimizdan biri - Iroq mart FIFA kunlari Basra shahrida Togo U-23 terma jamoasiga qarshi 2 ta o‘rtoqlik o‘yini o‘tkazadi.
Saudiyadagi U-23 G‘arbiy Osiyo futbol federasiyasi chempionatida esa Iroq U-20 terma jamoasi bilan ishtirok etishi haqida ma’lumot bergan edik. Iroq U-23 terma jamoasi menedjeri Jabbar Hashimning xabar berishicha, FIFA kunlaridan tashqarida o‘tkaziladigan Osiyo kubogiga hozircha 4 ta legionerning kelishiga klublari tomonidan ruxsat berilgan:
- Ali Almusavi ("Eshtrela" U-23)
- Yosef Imam ("Malmyo" U-19)
- Bland Hassan ("De Grafsxap")
- Roman Dulashi ("Shalke 04" U-19)
Oldinroq, O‘zbekiston terma jamoasi va Moskvaning "SSKA" klubi futbolchisi Abbos Fayzullayevni U-23 Osiyo kubogiga qo‘yib yuborish bo‘yicha og‘zaki kelishuv mavjudligi to‘g‘risida ma’lumot berilgan edi.
