"Тоттенхэм" бошқарувчиси Анге Постекоглу трансфер бозорида ишлаш борасидаги фикрлари билан ўртоқлашди.
"Бу трансфер сиёсати эмас, балки молиявий имкониятлар масаласи. Агар менда 100 миллион фунт бўлганида, уни икки футболчига 50 миллион фунтга сарфлаганим маъқул. Балки бу менинг консерватив табиатимдир.
Мен маблағлар чексиз бўлмаслигига ўрганиб қолганман, шунинг учун уларни тўғри ишлатиш жуда муҳимдир. Аммо агар улар менга трансферлар учун 100 миллион фунт сарфлашим мумкинлигини айтишса, мен буни мамнуният билан қиламан, дўстим", - деди Постекоглу "Астон Вилла"га қарши АПЛ ўйинидан олдин.
