Суперлига 2-туридан ўрин олган «Навбаҳор» – ОКМК (1:1) учрашувидан сўнг меҳмонлар бош мураббийи Миржалол Қосимов ўз фикрларини билдириб ўтди.

"Бугун дастлабки 10 дақиқа давомида ўзимизга келишимизга тўғри келди. Қолган дақиқаларда эса курашларга бой баҳс гувоҳи бўлдик. Ўйлашимча, дуранг – адолатли натижа бўлди. «Навбаҳор» – яхши шаклланган, таркибида малакали футболчилар йиғилган. Қолаверса, Наманганда мамлакатнинг биринчи рақамли мухлислари мавжуд. Шу факторларни инобатга олиб, натижадан қониқдим.

Ўтган йилги ва бу йилги «Навбаҳор»ънинг фарқи? Бирор жамоага ташқаридан баҳо беришни хушламайман. Уларга қарши ўтган мавсум ҳам, бу мавсум ҳам оғир ўйинлар ўтказдик.

Жамоамиз олдига доим юқори мақсадлар қўйилган. Спорт – бу кураш. Қолаверса, мухлисларга манзур бўладиган ўйин кўрсатишга интиламиз.

«Навбаҳор» биз учун қулай рақибми? Йўқ, бу фикрга қўшилмаган бўлардим. Башорат қилишни ёқтирмайман, аммо ҳар бир баҳсда ғалаба учун майдонга чиқамиз. Фақатгина «Навбаҳор» эмас. Рақиб сафидан кимни жамоамга қўшиб олардим? Ҳозир ҳеч кимни. Ўзимда яхши жамоа бор", — деди Қосимов.